|
See this page in: English, Bulgarian, Dutch, Portuguese
Ko e fakatātā 'oku ne fakamatala'i 'o Sisū Kalaisi. 'Oku ne tali 'a e hū kiate ia 'a e kakai tokolahi.
Koe Kau Fakamo'oni 'a Sihova 'oku kau 'akinautolu 'i he fa'ahinga 'oku nau tāukapo'i 'oku 'ikai ke ako'i 'e he Tohitapu ko Sisū Kalaisi koe 'Otua ia, 'aia na'e fakahā mai 'i he tatau 'o e tangata. Ko 'eni 'a e ngaahi palopalema fakatohitapu lalahi fekau'aki mo enau vakai.
Talamai 'e he Tohitapu kiate kitautolu:
“Pea 'i he hū atu 'a Pita´, na'e fakafetaulaki mai kiate ia 'a Koliniusi, pea tō ki lalo 'i hono va'e, 'o ne hū. Ka na'e fokotu'u hake ia 'e Pita, na'a ne pehē 'eia, tu'u hake, he ko e tangata pe foki au.”
—Ngāue 10:25,26
Na'e 'ikai ke tali 'e Pita 'a e hū 'i he malumalu 'o e Lao 'oku ne pehē,
"Ke ke hū kia Sihova ko ho 'Otua, pea koia tokotaha pe te ke hū kiai."
Ia Fakahā 19:10,'i he taimi na'e sio ai 'a Sione ki he angelo´, na'a ne pehē,
"Pea neu mape'e hifo 'i hono va'e, ke hū kiate ia. Pea na'a ne pehe mai kiate au, Vakai, 'oua he ko ho kaungā tamaio'eiki au, pea 'oku ou 'i ho kainga 'oku ma'u 'a e fakamo'oni 'a Sisū, hū ki he 'Otua he ko e fakamo'oni kia Sisū, koe laumālie ia 'o e kikite."
Na'a mo e 'angelo 'a e 'Eiki na'e 'ikai te ne tali ke hū ange kiate ia.
Kaikehe, ko'eni 'ae ngaahi veesi 'eni 'oku fakahā'i ai na'e faka'atā pe 'e Sisū ia ke fai ange kiai 'a e hū, koe uhii pe koia 'a e 'Otua "na'e fakahā sino 'i he kakano":
" pea lolotonga 'ene lea 'aki 'a e ngahi me'a ni kiate kinautolu, vakai na'e ha'u 'ae pule 'e taha, 'o hū kiate ia, 'o behē, ko hoku 'ofefine kuo mate ni, ka ke ha'u 'o hilifaki ho nima kiate ia, pea 'e mo'ui ia"
—Matiu 9:18
" pea ha'u 'akinautolu na'e 'i he vaka 'o hū kiate ia, 'o pehe, ko e mo'oni ko e 'alo ko e 'o e 'Otua"
—Matiu 14:33
"pea toki ha'u ia, 'o hū kiate ia 'o pehe, 'eiki tokoni'i au."
—Matiu 15:25
"pea 'i he 'ena 'alu ke tala ki he 'ene kau akonga, 'iloange kuo fakafetaulaki mai 'a Sisū kiate kinaua 'o ne pehe sio'oto'ofa, pea na'a omi 'o puke hono va'e, 'o hū kiate ia."
—Matiu 28:9
"pea kuo nau mamata kiate ia, pea nau hū kiate ia, ka na'e fakataetaetui 'a e ni'ihi"
—Matiu 28:17
Na'a ne tali 'a e hū koe uhii koia ko e…
“…'aia ko hono tatau 'o e 'Otua tae hāmai…”
—Kolose 1:15)
“…Ko e 'Otua na'e fakahā 'i he kakano, na'e fakamo'oni ia 'i he laumālie, na'e mamata kiate ia 'a e kau 'angelo, na'e malanga'aki ia ki he Senitaile, na'e tui kiate ia 'a mamani, pea ma'u hake ia ki he nāunau…”
—1 Timote 3:16, (tanaki atu ki he ngaahi me'a mahu'inga)
Toe vakai ki he:
Ko Sisū Kalaisi 'a e 'Otua? Tali…
Kapau ko Sisū Kalaisi ko e 'alo 'o e 'Otua, ko e ha na'a ne ui ai ia ko e foha 'o e tangata? Tali…
'Oku angafēfē 'a e tokotolu 'a e 'Otua 'e taha - Tolu Taha'i 'Otua (Trinity)? Tali…
 Ako 'o toe lahi hake fekau'aki mo Sisū Kalaisi—fakapapau'i koia, mo'ui, mate, pea mo 'ene toetu'u
 Kapau ko e muimui ko e ki Sisū Kalaisi 'oku ke sai'ia he vahevahe atu ho'o tui ki he Kau Fakamo'oni 'a Sihova, 'a'ahi ki he 'emau kau faka'evangelio makehe ko'eni 'i he peesi ko'eni fekau'aki mo e Kau Fakamo'oni 'a Sihova 'i he 'emau Effective Evangelism tu'u'anga.
'Oku kau ai heni mo e ngaahi kupu kehe, ngaahi talanoa meiate kinautolu kuo nau mavahe mai mei he feohi'anga Fakamo'oni 'a Sihova, mo e ngaahi me'a 'aonga, pea toe lahi hake ai foki. Pea 'oku mau toe fakaafe'i atu koe ke ke tuku mai ha'o fakamatala kapau 'oku 'iai ha'o a'usia 'i he tafa'aki ko'eni.
Liliu lea fakatonga…mmliava'a
Author: Ray Comfort of Living Waters Publications. Excerpted from The Evidence Bible.
Web page copyright © 2002, Living Waters Publications, All Rights Reserved—except as noted on attached “Usage and Copyright” page that grants ChristianAnswers.Net users generous rights for putting this page to work in their homes, personal witnessing, churches and schools.
ChristianAnswers.Net/tongan
Christian Answers Network
PO Box 577
Frankfort KY 40602
| 
